సూపర్‌స్టార్‌ మహేష్‌ బాబు ప్రస్తుతం క్రేజీ దర్శకుడు మురుగదాస్‌ చిత్రంలో నటిస్తున్నాడు. ఈ చిత్ర షూటింగ్‌ ఎప్పుడో ప్రారంభం అయినా కూడా ఫస్ట్‌లుక్‌ గానీ, టైటిల్‌గానీ ఇంతవరకు విడుదల కాలేదు. దాంతో ఈ చిత్రంలో మహేష్‌ లుక్‌ ఎలా ఉండబోతుంది, టైటిల్‌ ఏంటి అని అభిమానులు ఆసక్తిగా ఎప్పటి నుండో ఎదురుచూస్తున్నారు. టైటిల్‌ విషయమై కాస్త గందరగోళం ఉండగా ఇన్నాళ్లు రివీల్‌ చేయలేదు. ఈ చిత్రాన్ని జూన్‌లో విడుదల చేస్తామని దర్శకుడు మురుగదాస్‌ ఇప్పటికే ప్రకటన విడుదల చేశాడు. కాగా తాజాగా ఈ చిత్ర ఫస్ట్‌లుక్‌ను, టైటిల్‌ను విడుదల చేశారు.
గతంలో వార్తలు వచ్చినట్టుగానే ఈ చిత్ర టైటిల్‌ ఎస్‌ అక్షరంతో మొదలయ్యింది. సూపర్‌ బాడీతో మహేష్‌బాబు ఉండగా ‘స్పైడర్‌’ టైటిల్‌ను ఫిక్స్‌ చేశారు. స్టయిలిష్‌ లుక్‌లో, ఆకట్టుకునే చూపులతో మహేష్‌ ఈ లుక్‌ను చూసి అభిమానులు తెగ సంబరపడిపోతున్నారు. ఈ చిత్రంలో మహేష్‌ సరసన రకుల్‌ ప్రీత్‌ సింగ్‌ డాక్టర్‌గా మహేష్‌ సరసన రొమాన్స్‌ చేస్తోంది. మొత్తానికి చాలాకాంగా ఎదురుచూస్తున్న మహేష్‌ అభిమానుల ఎదురుచూపులు తాజాగా ఫలించాయి. ఇంతకాలం ఎదురు చూసినందుకు అభిమానులు ఫస్ట్‌లుక్‌ను చూసి చాలా ఖుషీ అవుతున్నారు. మొత్తానికి ఫస్ట్‌లుక్‌ చూశాక అంచనాలు రెట్టింపు అవడం ఖాయంగా కనిపిస్తోంది.
