మెగాస్టార్‌ చిరంజీవి 150వ సినిమా ‘ఖైదీ నెం.150’తో దాదాపు 10 సంవత్సరాల తర్వాత రీ ఎంట్రీ ఇచ్చిన విషయం తెల్సిందే. చిరంజీవి రీ ఎంట్రీతో అదరగొట్టాడు. టాలీవుడ్‌ నెం.2 చిత్రంగా ‘ఖైదీ నెం.150’ చిత్రం నిలిచింది. అంతటి సంచలన విజయాన్ని సొంతం చేసుకున్న చిరంజీవి తన తర్వాత సినిమాగా స్వాతంత్య్ర సమరయోధుడు ఉయ్యాలవాడ నరసింహా రెడ్డి జీవిత చరిత్రతో సినిమా చేయబోతున్నాడు. అందుకు సంబంధించిన స్క్రిప్ట్‌ వర్క్‌ దాదాపుగా పూర్తి అయ్యింది.
అతి త్వరలోనే ఈ సినిమాను సెట్స్‌ పైకి తీసుకు వెళ్లేందుకు ఏర్పాట్లు జరుగుతున్నాయి. రామ్‌ చరణ్‌ నిర్మాణంలో రూపొందబోతున్న ఈ సినిమాకు సురేందర్‌ రెడ్డి దర్శకత్వం వహించబోతున్నాడు. ఈ చిత్రంలో ఒక ముఖ్య పాత్రలో శ్రీకాంత్‌ను ఎంపిక చేసినట్లుగా గతంలో వార్తలు వచ్చాయి. ఇక తాజాగా టాలీవుడ్‌ వర్గాల నుండి అందుతున్న విశ్వసనీయ సమాచారం ప్రకారం ఈ సినిమాలో వెంకటేష్‌ ఒక కీలక రోల్‌లో కనిపించబోతున్నాడు. ప్రస్తుతం వెంకీతో దర్శకుడు చర్చలు జరుపుతున్నట్లుగా తెలుస్తోంది. ఒక కీక గెస్ట్‌ రోల్‌ అవ్వడంతో వెంకీ తప్పకుండా ఒప్పుకుంటాడని మెగా వర్గీయులు భావిస్తున్నారు.
