సూపర్‌స్టార్‌ మహేష్‌బాబు ప్రస్తుతం క్రేజీ దర్శకుడు మురుగదాస్‌ దర్శకత్వంలో నటిస్తున్నాడు. ఈ చిత్ర షూటింగ్‌ ప్రారంభం అయ్యి దాదాపు ఏడాది దాటింది. ఇప్పటి వరకు ఈ చిత్ర టైటిల్‌ కానీ, ఫస్ట్‌లుక్‌ కానీ విడుదల చేయలేదు. పలుసార్లు ఈ చిత్ర స్టిల్స్‌ లీకయ్యాయి కానీ అధికారికంగా మాత్రం ఎలాంటి సమాచారం లేదు. ఈ చిత్ర టైటిల్‌తో పాటు ఫస్ట్‌లుక్‌ను కూడా ఉగాది కానుకగా విడుదల చేయనున్నట్టు చిత్ర యూనిట్‌ వర్గాల నుండి సమాచారం అందుతోంది. కానీ ఇప్పుడు కూడా అభిమానులు కాస్త అనుమానంగానే ఉన్నారు. ఇకపోతే ఈ చిత్ర పాట ఒకటి లీకయ్యిందని తెలుస్తోంది.
మహేష్‌ నటిస్తున్న ఈ చిత్రంలో ‘ఏ మాయలో…’ అంటూ సాగే పాట లీకయ్యిందట. పాట పల్లవితో పాటు చరణం కూడా కొంత లీకయ్యిందని సమాచారం. అయితే ఈ పాట మహేష్‌ చిత్రంలోనిదేనా..?? లేదా అనేది ఇంకా అధికారిక సమాచారం లేదు. అంతకు ముందు మహేష్‌ స్టిల్‌ లీక్‌ కాగా ఇటీవలె రకుల్‌ స్టిల్స్‌ కూడా లీకయ్యాయి. తాజాగా పాట లీకయ్యింది. అయితే ఈ లీకులు కావాలనే చేస్తున్నారా..?? మరి ఎవరైనా కుట్ర చేస్తున్నారా అని అభిమానులు కంగారు పడుతున్నారు. ఇంతవరకు టైటిల్‌ గానీ, ఫస్ట్‌లుక్‌గానీ విడుద కాకున్నా కూడా ఈ చిత్రంపై అంచనాలు తారా స్థాయిలో ఉన్నాయి. దాంతో ఈ చిత్రానికి బిజినెస్‌ కూడా రికార్డు స్ధాయిలో అవుతుంది. ఈ చిత్రాన్ని జూన్‌లో విడుదల చేయనున్నట్టు చిత్ర యూనిట్‌ ఇప్పటికే ప్రకటించారు.
