మెగాస్టార్‌ చిరంజీవి 150వ చిత్రాన్ని దర్శకుడు పూరీ జగన్నాథ్‌ ‘ఆటోజానీ’గా తెరకెక్కించాల్సి ఉంది. అయితే ఆ చిత్రం ఫిక్స్‌ అయ్యి అధికారిక ప్రకటన వచ్చాక అనంతరం వాయిదా పడిరది. ఆ తర్వాత చిరు హీరోగా పూరీ దర్శకత్వంలో 151 లేదా 152వ చిత్రాలు ఉంటుంది అని అంతా భావించారు. కానీ అది జరగలేదు. చిరు ఆ రెండు చిత్రాలు కూడా ఇప్పటికే ఫిక్స్‌ అయ్యి ఉన్నాయి. ప్రస్తుతం ఆ చిత్రాల స్క్రిప్టు పనులు కూడా జరుగుతున్నాయి. చిరంజీవి ఓ పాపులర్‌ టీవీ ఛానెల్‌లో ‘మీలో ఎవరు కోటీశ్వరుడు’ అనే కార్యక్రమానికి వ్యాఖ్యాతగా వ్యవహరిస్తున్నాడు. తాజాగా ఆ షోకు సంబంధించి ప్రోమో ఒకటి కొత్తగా ప్రసారం అవుతుంది.
ఈ షోకు ప్రముఖ నటుడు ప్రకాష్‌ రాజ్‌ అతిథిగా వచ్చాడు. ప్రకాష్‌ రాజ్‌ తనకు ఉన్న ఫోన్‌ ఆఫ్‌ ఫ్రెండ్‌ హెల్ప్‌లైన్‌ను వాడుకుని దర్శకుడు పూరీకి కాల్‌ కలపమన్నాడు. కాగా చిరు పూరీతో మాట్లాడుతూ ప్రకాష్‌ రాజ్‌కు చిన్న సందేహం వచ్చింది అని చెబుతుండగా అదంతా పక్కన పెట్టండి, ఇంతకీ మీరు నాతో ఒక చిత్రాన్ని చేస్తారా లేదా ఎప్పుడూ చేస్తారు చెప్పండి అంటూ గట్టిగా నిలదీశాడు. పూరీ అడుగుతున్న సూటీ ప్రశ్నకు చిరు నవ్వుతూనే సమాధానం చెప్పాడు. ప్రస్తుతం తన ముందు ఉన్న ప్రాజెక్ట్‌లు పూర్తి అయ్యాక చిరు పూరీతో నటించే అవకాశం ఉంది.
