యంగ్‌టైగర్‌ ఎన్టీఆర్‌ ప్రస్తుతం బాబీ దర్శకత్వంలో నటిస్తున్నాడు. ఎన్టీఆర్‌ ‘జనతాగ్యారేజ్‌’ చిత్రం తర్వాత చాలా గ్యాప్‌ తీసుకుని బాబీకి గ్రీన్‌ సిగ్నల్‌ ఇచ్చాడు. ఈ చిత్రాన్ని ఎన్టీఆర్‌ ఆర్ట్స్‌ బ్యానర్‌పై కళ్యాణ్‌రామ్‌ నిర్మిస్తున్నాడు. కాగా ఈ చిత్రంలో ఎన్టీఆర్‌ మూడు విభిన్నమైన పాత్రలలో నటిస్తున్నాడు. ఈ చిత్రానికి ‘జై లవకుశ’ అనే టైటిల్‌ను ఖరారు అయినట్టే అని సమాచారం. తాజాగా అందుకు సంబంధించిన స్టిల్‌ ఒకటి రిలీజ్‌ అయ్యింది. ఇక మూడు పాత్రలలో నటించనున్న ఎన్టీఆర్‌ సరసన ఇప్పటికే రాశిఖన్నా అధికారికంగా ఎంపికయింది. నివేధా థామస్‌ కూడా దాదాపు ఖరారయినట్టే అని యూనిట్‌ వర్గాల నుండి సమాచారం అందుతోంది.
ప్రస్తుతం ఈ చిత్ర షూటింగ్‌ హైద్రాబాద్‌లోని రామోజీఫిల్మ్‌నగర్‌లో జరుగుతుంది. షూటింగ్‌ సెట్‌లో హాట్‌బ్యూటి హంసానందిని కూడా పాల్గోంది. షూట్‌లలో పాల్గోనడానికి వచ్చిన హంసా నందిని చూస్తుంటే ఈ చిత్రంలో యంగ్‌టైగర్‌ సరసన చిందులేయనుందని తెలుస్తోంది. అయితే హంసా ఈ మధ్య ప్రత్యేక పాత్రలలో కూడా నటిస్తుంది కాబట్టి ఈ చిత్రంలో ప్రత్యేక పాటలో నటిస్తుందా..?? లేదా ప్రత్యేక పాత్రను పోషిస్తుందా అనేది ఇంకా క్లారిటీ లేదు. గతంలో ‘రామయ్యా వస్తావయ్యా’ చిత్రంలో కూడా ఎన్టీఆర్‌, హంసాలు కలిసి చిందులేశారు. మరోసారి యంగ్‌టైగర్‌తో హంసా వెండితెర మీద ఆడిపాడనుందన్నమాట!
