అక్కినేని నాగచైతన్య ‘ప్రేమమ్‌’, ‘సాహసం శ్వాసగా సాగిపో’ చిత్రాలతో మంచి విజయాలను అందుకుని ఫుల్ జోషు మీదున్నాడు. చైతూ ప్రస్తుతం కళ్యాణకృష్ణ దర్శకత్వంలో నటిస్తున్నాడు. ఈ చిత్రానికి ‘రారండోయ్‌ వేడుక చేద్దాం’ అనే టైటిల్‌ను పరిశీలిస్తున్నారు. నాగార్జున నటించిన ‘అల్లరి అు్లడు’ చిత్ర నేపథ్యంలో ఈ కథ కూడా సాగుతుందట. ప్రస్తుతం ఈ చిత్ర షూటింగ్‌ చకాచకా వైజాగ్‌లో జరుగుతోంది. అన్నపూర్ణ బ్యానర్‌పై ఈ చిత్రాన్ని నిర్మిస్తున్నాడు.
ఈ చిత్రంలో చైతూ సరసన స్టార్‌ హీరోయిన్‌ రకుల్‌ ప్రీత్‌ సింగ్‌ రొమాన్స్‌ చేస్తోంది. వరుసగా స్టార్‌ హీరోల సరసన నటిస్తున్న రకుల్‌ చైతూ సరసన ఎలా ఉంటుందా..?? అని అభిమానులు ఆసక్తిగా ఎదురు చూస్తున్నారు. అందుకే అభిమానులకు ఒక క్లారిటీ ఇవ్వడం కోసం చైతూ ఆమెతో కలిసి ఉగాది రోజున రాబోతున్నాడు. ఈ చిత్రంలో చైతూ, రకుల్‌లు ఎలా ఉంటారు అనేది ఫస్ట్‌లుక్‌ రూపంలో విడుదల చేయడానికి చిత్ర యూనిట్‌ సన్నాహాలు చేస్తున్నారు. ఇక ఉగాది పండగనాడు ఈ నెల 29న చైతూ ఆమెతో కలిసి దర్శణం ఇవ్వనున్నాడు.
