టాలీవుడ్‌లో ప్రతిష్టాత్మకంగా రూపొందుతున్న ‘బాహుబలి’ చిత్ర రెండవ పార్టు ట్రైలర్‌ తాజాగా విడుదలయ్యింది. ఈ ట్రైలర్‌కు ప్రేక్షకుల నుండి అశేష స్పందన వస్తోంది. అనుకున్న దానికంటే ఊహించని స్థాయిలో వ్యూస్‌ వస్తూ టాలీవుడ్‌ రికార్డులన్నీ కూడా బ్రేక్‌ చేసే దిశగా దూసుకుపోతుంది ఈ ట్రైలర్‌. ప్రేక్షకుల నుండి ట్రైలర్‌కు వస్తున్న ఆదరణ చూసిన యూనిట్‌ అంతా కూడా సంబ్రమాశ్చర్యంలో మునిగితేలుతున్నారు. తాజాగా ట్రైలర్‌కు వస్తున్న స్పందనపై రానా దగ్గుబాటి స్పందించాడు. అయిదేళ్ల పాటు అంతా అంకిత భావంతో పనిచేస్తేనే నేడు ప్రేక్షకుల నుండి ఈ స్థాయిలో ఫలితం వస్తుంది అని చెప్పుకొచ్చాడు.
నా ఏడేళ్ల సినీ జీవితంలో అయిదేళ్లు ‘బాహుబలి’ కోసమే పని చేశాను అని వ్యాఖ్యానించాడు. కేవలం తెర మీద కనపడే వారు మాత్రమే కాకుండా తెర వెనుక కూడా ఎంతో మంది కష్టార్జితం ఉందని రానా చెప్పుకొచ్చాడు. ‘బాహుబలి’ ది బిగినింగ్‌ ఎంతో బాగా ఆదరించారు, ది కన్‌క్లూజన్‌ కూడా ఆదరిస్తారని ఆశిస్తున్నాం అని అశాభావం వ్యక్తం చేశాడు. మేము పరీక్షలు రాసి ఉన్నాం, ఫలితాలను ప్రేక్షకులు ఇవ్వాలి అంటూ రానా పేర్కోన్నాడు. ‘బాహుబలి’లో హీరోకు సమానమైన విలన్‌గా కనబబడం కోసం రానా ఎంత కష్ట పడ్డాడో చెప్పకనే చెప్పాడు. మొత్తానికి ‘బాహుబలి’కి పని చేసిన ప్రతి ఒక్కరిని కూడా అభినందించాల్సిందే. ఇంతవరకు ఉన్న సినీ రికార్డులు అన్నీ కూడా ‘బాహుబలి’తో ఊడ్చుకుపోవడం ఖాయం.
