‘బాహుబలి’ చిత్ర మొదటి పార్టు విడుదలయి ఎంతటి సంచలన విసయం సాధించిందో అందరికి తెల్సిందే. మొదటి పార్టు విడుదలై చాలాకాలం అయినా కూడా రెండవ పార్టుపై ఉత్కంఠ ఏ మాత్రం తగ్గకుండా ఉండడానికి దర్శకుడు రాజమౌళి చాలా పకడ్భంధీగా ఓ రహస్యాన్ని దాచాడు. ఎన్నోసార్లు, ఎన్నో సందర్భాలలో ఆ ప్రశ్నను ‘బాహుబలి’ యూనిట్‌ను ప్రశ్నించినా కూడా ఆ రహస్యం బయటకు రాకుండా రాజమౌళి జాగ్రత్త పడ్డారు. ఈ చిత్ర రెండవ పార్టు ‘బాహుబలి ది కన్‌క్లూజన్‌’ విడుదలకు సిద్దంగా ఉంది. ఈ చిత్రాన్ని ప్రపంవ్యాప్తంగా ఏప్రిల్‌ 28న ప్రేక్షకుల ముందుకు తీసుకురావడానికి చిత్ర యూనిట్‌ సన్నాహాలు చేస్తున్నారు. ఇప్పటి నుండే ప్రచార కార్యక్రమాలను మొదలు పెట్టారు చిత్ర యూనిట్‌.
తాజాగా ఈ చిత్ర బృందాన్ని ప్రముఖ రచయిత, జర్నలిస్టు అనుపమ చోప్రా ఇంటర్య్వూ చేసింది. ‘బాహుబలి’ యూనిట్‌ని ఇంటర్య్వూ చేయడానికి అనుపమ ‘బాహుబలి’ సెట్స్‌కే వెళ్లింది. సెట్స్‌లో మాట్లాడుతూ ఇదేం సెట్‌ అని ఒక సెట్‌ను చూపించి ప్రశ్నించింది. అందుకు సమాధానంగా… ఇదే కట్టప్ప బాహుబలిని చంపిన సెట్‌ అని చెబుతూ ఆ తర్వాతి ప్రశ్న అడుగొద్దు అంటూ రాజమౌళి నవ్వులు పూయించారు. రాజమౌళి సమాధానం విన్న తర్వాత యాంకర్‌ కట్టప్ప బాహుబలిని ఎందుకు చంపాడు అనే ప్రశ్న అడగడానికి సిద్దం అవుతుండగా ముందే రాజమౌళి మీరు అడిగిన ప్రశ్న సమాధానం దొరికింది కదా… ఇక ఆ ఒక్కటి అడగవద్దు అని అనగానే యాంకర్‌తో పాటు చిత్ర బృందం అంతా కూడా నవ్వులు కురిపించారు.
