తెలుగు ప్రేక్షకులను ఇటీవల తన కామెడీతో ఆకట్టుకుంటూ నవ్విస్తున్న 30 ఇయర్స్‌ పృథ్వీ షాకింగ్‌ నిర్ణయం తీసుకున్నాడు. గత కొంత కాలంగా పృథ్వీ పూర్తిగా ఇతర సినిమాల్లోని పేరడీలతోనే కామెడీ చేస్తూ వస్తున్నాడు. ఆ కామెడీ పృథ్వీని స్టార్‌ చేశాయి. పలు సార్లు పేరడీలు చేసి సినిమాల సక్సెస్‌లలో కీలక పాత్ర పోషించిన పృథ్వీ ఇకపై పేరడీలు చేయబోను అంటూ వింత ప్రకటన చేశాడు. పేరడీల వల్ల గుర్తింపు తెచ్చుకున్న పృథ్వీ ఇలాంటి నిర్ణయం తీసుకున్నాడేంటంటూ కొందరు ముక్కున వేలేసుకుంటున్నారు.
పృథ్వీ చేసిన పలు పేరడీ కామెడీ సన్నివేశాలు స్టార్‌ హీరోల అభిమానులను బాధపెట్టే విధంగా ఉన్నాయట. గతంలో నందమూరి బాలకృష్ణ అభిమానులు నేరుగా పృథ్వీకి హెచ్చరిక చేశారు. మరోసారి బాలయ్య సీన్స్‌ను వెకిలి వేశాు వేస్తూ అనుసరిస్తే తాట తీస్తామని బెదిరించారు. దాంతో పృథ్వీ స్వయంగా తాను ఏ హీరోను అవమానపర్చాలనే ఉద్దేశ్యంతో పేరడీ సీన్స్‌ చేయలేదని వివరణ ఇచ్చుకోవాల్సిన పరిస్థితి వచ్చింది. ఇక తాజాగా కూడా పృథ్వీ మరోసారి పేరడీతో ఆకట్టుకున్నాడు. అయితే ఇకపై పేరడీలు చేయను అని పృథ్వీ ప్రకటించడంతో ఆయనకు అవకాశాలు తగ్గుతాయని సినీ విశ్లేషకులు అంచనా వేస్తున్నారు. అయితే అవకాశాలు తగ్గినా కూడా పేరడీ కామెడీ సీన్స్‌ను ఇకపై చేయను అంటూ తేల్చి చెప్పాడు ఈ కమెడియన్‌.
